სამწუხარო ინფორმაცია ხვიჩა კვარაცხელიასთან დაკავშირებით

იუვენტუსთან გაცუდებული შანსის და ყვითელი ბარათის გამო, ხვიჩა კვარაცხელია იტალიური გამოცემების კრიტიკის ობიექტია.

“ჩესნისთან ერთი-ერთზე დარჩა, ოსიმენმა შესანიშნავი გადაცემა გაუკეთა, თუმცა კვარაცხელიამ ეს შანსი ვერ გამოიყენა. ყვითელი ბარათიც მიიღო და თამაშს სრულიად გამოეთიშა.” – წერენ იტალიური გამოცემები.

მედიაში ასევე იწერება ინფორმაცია, რომ ვალტერ მაძარი კვარას რამდენიმე შეხვედრას დააცდის და თუ ქართველმა თავი კვლავ ვერ გამოიჩინა, შესაძლოა კვარას ნაცვლად ძირითადში ელიფ ელმასს მიეცეს შანსი, ხვიჩამ კი გუნდი სათადარიგო სკამიდან გააძლიეროს.

ნაპოლის მწვრთნელმა აღნიშნა, რომ კვარას დამხმარე ფლანგზე არ ჰყავს და კარგი პასებით არ მარაგდება. შეგახსენებთ, რომ გუნდი ნომინალური მარცხენა მცველის გარეშე თამაშობს.

რაც შეეხება 10-ქულიანი სისტემით შეფასებებს, იტალიური და სხვა ევროპული გამოცემები კვარას დაბალ შეფასებას უკეთებენ.

Tuttonapoli – 4.5 ქულა, Eurosport – 5 ქულა, Mediaset – 4.5 ქულა, Calcionapoli1926 – 5 ქულა.