ნანუკა ჟორჟოლიანის შოუში ამჯერად სტუმრად იყვნენ ადამიანები, რომლებმაც მხოლოდ სწორი კვებით დაიკლეს.
„არანაირი ბარეატრია, არანაირი წამალი, მხოლოდ სწორი კვებით დაკლებული 50, 60 და 125 კილოგრამი, – ამ გადაცემაში მხოლოდ ასეთი ადამიანები იქნებიან“ – ამბობს ნანუკა ჟორჟოლიანი გადაცემაში, რომელიც ჭარბი წონის დაკლებას მიუძღვნა და მაყურებელს რეალური ისტორიები გაუზიარა.
24 წლის გიორგი ბიბილაური ერთ-ერთია, რომელმაც ზედმეტი წონა დაიკლო. გიორგი 240 კილოგრამს იწონიდა:
„დიდი წონის მიზეზი ჭამაც იყო, უმოძრაობაც და ჰორმონების პრობლემაც. 6 წლის ასაკში 65 კილო ვიყავი. მსოფლიოში მეორე ბავშვი ვიყავი, რომელსაც ეს წონა ჰქონდა. 8 წლის ასაკში 120 კილოგრამი ვიყავი. მთელი ოჯახი ნერვიულობდა და „მამუშავებდა“, მაგრამ მე ბავშვი ვიყავი და არავის ვუსმენდი.
13 წლის ასაკში 260 კილოგრამი ვიყავი და უკვე ვეღარ ვწვებოდი, მივხვდი, რომ პრობლემა მქონდა. ვიჯექი და ისე მეძინა. თუ დაწოლას გადავწყვეტდი, გული მეხუთებოდა, ვეღარ ვსუნთქავდი და მივხვდი, რომ რაღაც უნდა შემეცვალა.
პირველად ცომეული და ტკბილეული ამოვიღე, დავიკელი 20 კილოგრამი, რამაც მოტივაცია მომცა, დავიწყე ქუჩაში სიარული. მესამე ეტაპი იყო დარბაზში მისვლა“.
