რა სიმპტომებით ვლინდება ორგანიზმში მაგნიუმის დეფიციტი. ამ თემაზე გადაცემაში „მთავარი დიაგნოზი“, ექიმმა გიორგი ღოღობერიძემ ისაუბრა.
„ჰიპომაგნიმია ძალიან ბევრ ადამიანს გვაქვს და ის ხშირად ვლინდება ხელების კანკალით და ფეხების კრუნჩხვით, ან აღგზნებადობით, არითმიებით და ა.შ, თუმცა კუნთების სპაზმი და ხელების ტრემორი, ყველაზე ხშირია.
აქვე მნიშვნელოვანია გაიხსენოთ, რომ თუ გაქვთ კუნთების კრუნჩხვა და ხელების კანკალი, ხომ არ გქონიათ ახლო პერიოდში ფაღარათი. ამ დროს ადამიანი კარგავს ელექტროლიტს და მათ შორის, მაგნიუმსაც. ხომ არ მიგიღიათ ალკოჰოლი, ისინი ასევე შარდმდენებია და ჩვენი სხეულიდან გამოაქვს ელექტროლიტები. ამიტომაც ალკოჰოლის მიღების შემდეგ, იწყება ტრემორი. ასევე გაიხსენთ, რომ არ სვამთ რაიმე წამალს, მაგალითად წნევის მარეგულირებელს, ეს საშუალებები არის შარდმდენი პრეპარატები და ამიტომ მათაც გამოაქვთ სხეულიდან მაგნიუმი.
შაქრიანი დიაბეტი ასევე ხშირი მიზეზია მაგნიუმის ნაკლებობის. მაგნიუმის შესავსებად არსებობს უამრავი საშუალება, რადგან თუ დეფიციტია, მისი შევსება მხოლოდ მედიკამენტის გზით ხდება. თუ ტრემორი და სპაზმი ხშირია, ეცადეთ მიეჩვიეთ მაგნიუმით მდიდარი საკვების მიღებას, ესაა ლობიო, თხილი, მზესუმზირა და ისპანახი”, – ამბობს გიორგი ღოღობერიძე.
