ყვარელში ავარიას ორი ახალგაზრდა ემსხვერპლა. შემთხვევა გვიან ღამით ჭავჭავაძის ქუჩაზე მოხდა. ავტოსაგზაო შემთხვევას 22 წლის დაკო აბრამიშვილი და 34 წლის ბექა ძირკვაძე ემსხვერპლნენ. როგორც ცნობილია, დაკო ყვარლიდან იყო, ბექა კი კრწანისში ცხოვრობდა.
ადგილობრივების თქმით, სწრაფად მოძრავი „ტოიოტა პრიუსის” მარკის ავტომობილის მძღოლმა საჭე ვერ დაიმორჩილა და ხეს შეეჯახა. შეჯახება იმდენად ძლიერი აღმოჩნდა, რომ ავტომობილს ცეცხლი გაუჩნდა. შედეგად, ავტომობილში მყოფი ახალგაზრდა ქალი და კაცი ადგილზე გარდაიცვალა.
“საჭე ვერ დაიმორჩილეს და ხეს შეეჯახნენ, თავიდან პოლიცია ცდილობდა ავტომობილიდან მათ გადმოყვანას, მაგრამ მოულოდნელად მანქანა აალდა და ცეცხლი გაუჩნდა. ბიჭის ცხედრის ამოყვანა მოასწრეს, გოგონასი – ვერა” – გვიყვება ადგილობრივი.
მომხდარზე დაწყებულია გამოძიება.
წყარო: ambebi.ge
