საზოგადოება საჩხერელი სამწუხარო ინფორმაციას ავრცელებს:
“მოულოდნელად, 51 წლის ასაკში, გარდაიცვალა დიდებული პიროვნება, მოქალაქე და ხელოვანი შოთა აბრამიშვილი.
იმთავითვე მიიქცია მსმენელის ყურადღება შოთას სასიმღერი ხმამ და საშესრულებლო ოსტატობამ, როცა ჯერ კიდევ ბავშვობის ასაკში მღეროდა სარეკის კულტურის ცენტრთან არსებულ ანსამბლში, „ადილოში“, ობოლა ციმაკურიძის სახელობის საჩხერის კულტურის ცენტრი“-ს ანსამბლებში – „სავანე“ და „მოდინახე“ – საბოლოოდ კი ჩამოყალიბდა, როგორც პროფესიონალი მომღერალი.
გულისხმიერებით, იმერული ზრდილობით, პატიოსნებით, პასუხისმგებლობით იგი ერთნაირად სამაგალითო იყო სცენაზე, საზოგადოებაშიც და პირად ადამიანურ ურთიერთობებშიც.
დიდი გულისტკივილით ვუსამძიმრებთ ბატონი შოთას ოჯახს, ახლობლებს, ნაცნობებს და მეგობრებს.
საჩხერის მუნიციპალიტეტის მერიის
კულტურის სამსახური”
