სხეულზე არსებული სხვადასხვა ნიშნითა და ჯანმრთელობის ზოგადი მდგომარეობით ადამიანს შეუძლია, ანალიზების გარეშე დაახლოებით განსაზღვროს, რომელი ვიტამინების დეფიციტი აქვს:
- თუ ფეხის არეში კრუნჩხვასა და ტკივილს განიცდით, ცუდად გძინავთ, ეს მიუთითებს, რომ შესაძლოა, მაგნიუმის დეფიციტი გქონდეთ.
- გამომშრალი, დახეთქილი, არაერთგვაროვანი კანი, ასევე, გაუარესებული მხედველობა შესაძლოა, A და E ვიტამინების ნაკლებობის მაჩვენებელი იყოს.
- თუ ძლიერ დაღლილობასა და უენერგიობას გრძნობთ, შესაძლოა რკინისა და D3 ვიტამინის ნაკლებობა გქონდეთ.
- თუ ცხვირიდან მარტივად და ხშირად მოგდიოთ სისხლი, ამავდროულად, კანზე ადვილად გიჩნდებათ ჩალურჯებები, გეტყობათ ფეხებზე სისხლძარღვები, ეს K და C ვიტამინების ნაკლებობაზე მიუთითებს.
- თუ ამჩნევთ, რომ თმა გცვივათ, ეს შესაძლოა, თუთიის, რკინისა და D ვიტამინის დეფიციტზე მიუთითებდეს.
- ხელებისა და ფეხების დაბუჟება, ჩხვლეტის შეგრძნება შესაძლოა, ორგანიზმში B12-ის ნაკლებობაზე მიუთითებდეს.
- თუ ტუჩის კუთხეები დაგისკდათ, ეს შესაძლოა, B2 ვიტამინის ნაკლებობის ბრალი იყოს.
- თმის პიგმენტაციის ნაადრევად დარღვევა და ჭაღარის ადრეულ ასაკშივე გაჩენა, სპილენძის დეფიციტზე მიუთითებს.
- გაუარესებული მეხსიერება, კონცენტრაციასთან დაკავშირებული პრობლემები იოდისა და ლეციტინის დეფიციტზე მიუთითებს.
წყარო : Mshoblebi.ge
