„4 მანქანით რომ დადის ოჯახი, გააჩერონ ის მანქანები!” – რას ამბობს ზურა ხაჩიძე, რომელიც მეტროდან ვიდეოს აქვეყნებს

„4 მანქანით რომ დადის ოჯახი, გააჩერონ ის მანქანები!” – რას ამბობს ზურა ხაჩიძე, რომელიც მეტროდან ვიდეოს აქვეყნებს

ზურა ხაჩიძე საზოგადოებას საზოგადოებრივი ტრანსპორტით მგზავრობისკენ მოუწოდებს. ზურამ მეტროთი მგზავრობის ვიდეო სოციალური ქსელის გამომწერებს გაუზიარა.

გამოქვეყნებულმა მასალამ საზოგადოების ნაწილის მხრიდან დადებითი, ნაწილისგან კი უარყოფითი კომენტარები დაიმსახურა.

– „თქვენი ოჯახი რამდენი მანქანით დადის?“ – დაინტერესდა ერთ-ერთი Facebook მომხმარებელი, რაზეც ხაჩიძე პასუხობს: -„არცერთით, ოჯახში მხოლოდ მე მყავდა და ისიც გავყიდე!..“

– „ანუ ხათუნა მეტროთი დაგყავთ ვირუსების კორიანტელში?“

– „ხათუნა ავადმყოფობის მერე სახლიდან გარეთ საერთოდ იშვიათად გამოდის და ისიც მე მიმყავს! როცა მანქანა მყავდა“, – პასუხობს ზურა ხაჩიძე.

უარყოფითი კომენტარების შემდეგ ზურამ კომენტარში განმარტა, რატომ გადაწყვიტა საზოგადოებრივი ტრანსპორტით მგზავრობა და რას ემსახურებოდა ვიდეოს გამოქვეყნება.

„ერთს დავწერ და აღარ შემოვალ არავისთან პოლემიკაში! ეს ვიდეო გადავიღე იმისთვის, რომ არ მინდა ჩვენმა შვილებმა ისუნთქონ მოწამლული ჰაერი; მინდა საზოგადოებრივი ტრანსპორტი გახდეს უფრო მისაღები ადამიანებისთვის; მინდა, ვინც არა დადის, იმათ მივცე მაგალითი და რაც მთავარია, 4 მანქანით რომ დადის ოჯახი, გააჩერონ ის მანქანები. საგანგაშო სტატისტიკაა ჰაერის დაბინძურების მიმართულებით. აქ არ დევს ის ვიდეო, სადაც ბევრი ხალხია, ამ დროსაც მომიწია მგზავრობა. სრულიად უწყინარი მოწოდება და რჩევა მივეცი, ვინც არ კადრულობს მეტროს! წარმატებები და ბოდიში, თუ გაგაღიზიანათ ჩემმა მოწოდებამ!“ – წერს ზურა ხაჩიძე და გამომწერების შეკითხვებსაც პასუხობს.

Leave a Comment

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *