ბრიტანეთის დაზვერვა რუსეთის შესახებ ინფორმაციას აქვეყნებს

ბრიტანეთის დაზვერვა რუსეთის შესახებ ინფორმაციას აქვეყნებს

2022 წელს რუსეთი 1,3 მილიონმა ადამიანმა დატოვა. რუსეთი ბოლო დროს მუშახელის დეფიციტს განიცდის, ამის მიზეზი, ასევე, უკრაინის ომია, – ამის შესახებ ბრიტანეთის თავდაცვის სამინისტრო იუწყება.

„რუსეთი ათწლეულების განმავლობაში მუშახელის ყველაზე დიდი დეფიციტის წინაშე დგას. რუსეთის ცენტრალურმა ბანკმა გამოკითხა 14000 დამსაქმებელი და დაადგინა, რომ უმუშევართა რაოდენობა ყველაზე დაბალ დონეზეა 1998 წლის შემდეგ“, – ნათქვამია ანგარიშში.

დაზვერვის თანახმად, ბოლო სამი წლის განმავლობაში, COVID 19-ის პანდემიისა და უკრაინის ომის გავლენის გამო, რუსეთის მოსახლეობა მოსალოდნელზე ორი მილიონით შემცირდა.

კერძოდ, 1,3 მილიონამდე ადამიანმა დატოვა რუსეთი, მათ შორის ბევრი ახალგაზრდა და კარგად განათლებული ადამიანები არიან.

რუსეთის ფედერაციის კავშირგაბმულობის სამინისტრომ განაცხადა, რომ დაახლოებით 10%-მა (100 000) IT მუშაკმა დატოვა ქვეყანა და არ დაბრუნდა.

Leave a Comment

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *