საქართველომ თურქეთი დაძაბულ ბრძოლაში დაამარცხა – ებრუ შაჰინის რეაქცია მშობლიური ქვეყნის მარცხზე

საქართველომ თურქეთი დაძაბულ ბრძოლაში დაამარცხა – ებრუ შაჰინის რეაქცია მშობლიური ქვეყნის მარცხზე

საქართველოს კალათბურთელთა ნაკრებმა ევროპის მიმდინარე ჩემპიონატზე მესამე მატჩი გამართა. ჩვენი გუნდი თურქეთს დაუპირისპირდა, რომელსაც ორივე მატჩი მოგებული ჰქონდა. ქართველები კი წინა ტურებში ჯერ ბელგიასთან, შემდეგ ესპანეთთან დამარცხდნენ. ამჯერად შეხვედრა საქართველოს გამარჯვებით დასრულდა – 88:83.

ექვსგუნდიანი ჯგუფიდან პლეი ოფში ოთხი საუკეთესო გადის. ოთხეულში მოსახვედრად საქართველოსთვის აუცილებელი იყო თურქეთთან გამარჯვება. ეს კალათბურთელებსაც კარგად ჰქონდათ გაცნობიერებული და პირველივე წუთებიდან სულ სხვა შემართებით გამოვიდნენ.

კალათბურთში ემოცია ძალიან ბევრს ნიშნავს. ჩვენს გუნდს ტრიბუნებიდან 10 ათასი ქომაგი ამხნევებდა და მუხტი მოედანზეც გადავიდა. საქართველოს ნაკრები ასეთი კონცენტრირებული წინა შეხევდრებში ნამდვილად არ ყოფილა.

თურქული სერიალების ვარსკვლავი ებრუ შაჰინი თამაშს დაესწრო და რჩეულს, ჩედი ოსმანს ამხნევებდა. შეხვედრის მიწურულს ებრუ საკუთარი ქვეყნისა და მეუღლის თამაშით კმაყოფილი არ დარჩა, რაც კამერებმა რამდენჯერმე დააფიქსირეს. მსახიობმა თბილისი არენა იმედგაცრუებულმა დატოვა.

Leave a Comment

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *