“გოგო ხარ, ფიზიკა რად გინდა, მოდელი გამოდიო მეუბნებოდნენ” – ვინ არის გოგონა, რომელმაც 100 %-იანი გრანტი მოიპოვა

“გოგო ხარ, ფიზიკა რად გინდა, მოდელი გამოდიო მეუბნებოდნენ” – ვინ არის გოგონა, რომელმაც 100 %-იანი გრანტი მოიპოვა

გასტუდენტება და სასურველ ფაკულტეტზე მოხვედრა-არმოხვედრა, ბოლო დღეების აქტუალური თემაა, რომელსაც თავად ახალბედა სტუდენტებიც ეხმაურებიან. გთავაზობთ ერთ-ერთი გოგონას პოსტს, ანი მეჟლუმიანის, რომელიც 100%-იანი გრანტით მოხვდა ფიზიკის ფაკულტეტზე, ბევრი მისი ახლობელ-ნაცნობისა და პედაგოგებისთვის მოულოდნელად:

“გამარჯობა, ახლა მოგიყვებით ჩემს ერთ უბრალო ისტორიას, რომელზეც ბევრმა თქვენგანმა ალბათ იცით კიდეც…

ფიზიკის ინტერესი პირველად მერვე კლასში გამიჩნდა და პირველივე წამიდან მესმოდა, რომ ვარ ჰუმანიტარი, ან რომ ფიზიკა ჩემი არ იყო. მაშინ, პირველად გამიჩნდა მიზანი დამემტკიცებინა, რომ ცდებოდნენ.

საბედნიეროდ, ერთ ძალიან კარგ ადამიანთან დავდიოდი ფიზიკაზე, რომელმაც სხვაბევრი რამეც მასწავლა და მასწავლებელზემეტად, მეგობარი იყო ჩემთვის. ამ ადამიანმა ძალიან დიდი როლი ითამაშა ჩემს ჩამოყალიბებაში და მომდევნო წლებში თუ რამეს მივაღწიე, მხოლოდ მისი დამსახურებაა…

ოთხი წლის განმავლობაში მესმოდა ფრაზები: “გოგო ხარ, ფიზიკა რად გინდა, მოდელი გამოდი” , “ასეთ ლამაზ გოგოს ფიზიკა რატომ გაინტერესებს” და ა.შ.

…არაფერია შეუძლებელი, არ აქვს მნიშვნელობა სქესს, თმის სიგრძეს და საერთოდ არაფერს. სკოლამ ამ წლების განმავლობაში ერთადერთი, რაც მომცა, მტკიცე ნერვებია…

გუშინ ჩავაბარე ფიზიკაზე, 100%-იანი გრანტით. თქვენი აზრით, რამდენმა ჩააბარა იმ ბავშვებიდან ფიზიკაზე, ვისაც ათიანს უწერდნენ? არც ერთმა, მეტიც, საგანი სრულიად ეზიზღებათ.

აქვე ვიტყვი, რომ მშობლებსაც ძალიან დიდი როლი გაქვთ ბავშვის ჩამოყალიბებაში. ჩემს მშობლებს არასდროს მოუსმენიათ იმ მასწავლებლებისთვის, რომლებიც მლანძღავდნენ და მეუბნებოდნენ, რომ არასწორ გზას ვირჩევდი. ჩემი აქ ყოფნა თუ კი ვინმეს დამსახურებაა, ეს ადამიანი მე ნამდვილად არ ვარ…

წარმატებები მომავალ აბიტურიენტებს და ნუ მოუსმენთ სხვებს, თქვენ ყველაზე კარგად იცით, რა გინდათ გამოხვიდეთ”.

Leave a Comment

თქვენი ელფოსტის მისამართი გამოქვეყნებული არ იყო.