მომღერალი მამუკა ონაშვილი საბურთალოს სასაფლაოზე, ზურა დოიჯაშვილის გვერდით დაკრძალეს. ამის შესახებ ინფორმაციას ჟურნალისტი და მომღერლის მეგობარი ბესო ჩუბინიძე ავრცელებს.
ონაშვილის სამოქალაქო პანაშვიდი სიონის ტაძარში გაიმართა.
„საბურთალოს სასაფლაოზე ვიყავით, შევარჩიეთ და ასე გადავწყვიტეთ მისმა მეგობრებმა, რომ მამუკას დავკრძალავთ ზურა დოიჯაშვილის გვერდით.
სიცოცხლეში ხომ ძმაკაცები იყვნენ, იმიერ ქვეყანაშიც ისედაც ერთად იქნებიან და ფიზიკურადაც ასე ახლოს იქნებიან ერთად. თითქოს სიმბოლური გამოვიდა ეს, ზურა ვადაჭკორია, დოიჯა და მამუკა რამდენიმე მეტრით არიან ერთმანეთისგან დაშორებული სამუდამო ნავსაყუდელში”, – ამბობს ბესო ჩუბინიძე.
