ქობულეთის მუნიციპალიტეტის სოფელ ხალაში 36 წლის კაცი თანასოფლელმა, სავარაუდოდ, ცეცხლსასროლი იარაღით მოკლა. შემთხვევა გვიან ღამით მოხდა. გარდაცვლილი მამაკაცი გელა კონცელიძეა.
სავარაუდო ბრალდებული სათევზაოდ იყო წასული. უკან დაბრუნებისას თანასოფლელი, რომელიც ამავე გზაზე გადაადგილდებოდა, სიბნელის გამო დათვი ეგონა და ესროლა.
ახალგაზრდა კაცი ადგილზე გარდაიცვალა.
სავარაუდო დამნაშავე უკვე დაკავებულია, იგი სამართალდამცავებს თავად ჩაბარდა.
