ქართული სპორტული ცეკვების ერთ-ერთი საუკეთესო წყვილი, ოთო ფოლადაშვილი და ჯულიანა ბარ-გნარი ხშირად აქვეყნებენ ერთობლივ ფოტოებს, მაგრამ ერთ-ერთმა ფოტოსესიამ მნახველთა აღფრთოვანება გამოიწვია. საუბარია ფოტოების სერიაზე, რომელიც ჯულიმ საკუთარ „ინსტაგრამის“ ანგარიშზე გამოაქვეყნა – ოთო და ჯულიანა ქორწილში იმყოფებოდნენ. მათმა კოლეგამ, მოცეკვავე რამაზ ლაზარიშვილმა, რომელიც ასევე გვახსოვს „ცეკვავენ ვარსკვლავებში“ მონაწილეობით, ანუკა გოლოძეზე იქორწინა.
![](https://cdn.fortuna.ge/app/uploads/2022/06/oto-da-juliana-2022-06-13_14-07-54_824430-773x1024.jpg)
წყვილთან ერთად გადაღებულ ფოტოებს მოჰყვა ოთოსა და ჯულიანას ერთობლივი ფოტოსესიაც, რომლის ქვეშაც ასეთი კომენტარები ამოვიკითხეთ: „ქორწილი არ გვაწყენდა“, „საუკეთესო წყვილი“, „თუ ვინმეს უნდა ნახოს, რა არის ბედნიერება, ეს წყვილია…“, „ცალ-ცალკე ვერ წარმომიდგენიხართ“.
შეგახსენებთ, რომ მოცეკვავეებს პირად ცხოვრებაზე საუბარი არ უყვართ, თავიანთ ურთიერთობას კი მხოლოდ მეგობრულს უწოდებენ.
![](https://elnews.ge/wp-content/uploads/2022/06/88779.png)