კანადელმა მომღერალმა ჯასტინ ბიბერმა გაამხილა, რომ რამსეი-ჰანტის სინდრომის გამო სახის ნახევარი პარალიზებული აქვს. ამის შესახებ BBC წერს.
გამოცემის ინფორმაციით, შესაბამისი ვიდეო ბიბერმა Instagram-ზე გამოაქვეყნა. მომღერალი აზუსტებს, რომ დაავადების გამო მსოფლიო ტურნეს შეჩერება მოუწია.
„გამოჯანმრთელებისთვის ყველაფერი გავაკეთე, მაგრამ ჩემი დაავადება პროგრესირებს“, – აღნიშნავს ბიბერი და ამბობს, რომ ვერ ახელს მარჯვენა თვალს და ვერ იღიმება.
კლინიკა მეიოს მონაცემებით, რამსეი-ჰანტის სინდრომთან დაკავშირებულ სმენის დაკარგვასა და სახის ნერვის პარალიზებას ჩვეულებრივ დროებითი ხასიათი აქვს, მაგრამ შეიძლება დაავადებამ მუდმივი სახე მიიღოს.
