კიდევ ერთი ტრაგედია – 11 წლის ბავშვი ტრაგიკულად გარდაიცვალა

კიდევ ერთი ტრაგედია – 11 წლის ბავშვი ტრაგიკულად გარდაიცვალა

ფოთში, გურიის ქუჩაზე ავტოსაგზაო შემთხვევას 11 წლის ბიჭის სიცოცხლე ემსხვერპლა.

თვითმხილველთა ინფორმაციით, ბავშვს ავტომანქანა იმ დროს დაეჯახა, როცა ის ქუჩის გადაკვეთას ველოსიპედით ცდილობდა.

სასწრაფო-სამედიცინო დახმარების ბრიგადამ მოზარდი მრავლობითი დაზიანებებით ქალაქის ჰოსპიტალში გადაიყვნა, თუმცა მისი გადარჩენა ექიმებმა ვერ შეძლეს.

„11 წლის მოზარდი სიცოცხლისთვის შეუთავსებელი ტრავმებით იქნა კლინიკაში მოთავსებული, მას ჩაუტარდა რეანიმაციული ღონისძიებები თუმცა მისი სიცოცხლის გადარჩენა ვერ მოხერხდა“, – განაცხადა ჰოსპიტალის დირექტორმა თეა მიგინეიშილმა.

შემთხვევის ადგილზე მობილიზებული იყო საპატრულო პოლიცია. ფაქტზე შსს-მ გამოძიება დაიწყო.

Leave a Comment

თქვენი ელფოსტის მისამართი გამოქვეყნებული არ იყო.