ახალი სანქციები პუტინს და რუსეთს

ახალი სანქციები პუტინს და რუსეთს

უეფას აღმასრულებელმა კომიტეტმა რუსეთთან დაკავშირებით რამდენიმე მნიშვნელოვანი გადაწყვეტილება მიიღო. რუსული ფეხბურთი ისჯება უკრაინაში შეჭრისათვის. გთავაზობთ იმ გადაწყვეტილებებს, რომლებიც უეფამ დღეს მიიღო:

❌ რუსეთის ნაკრები არ იასპარეზებს ერთა B ლიგის მე-2 ჯგუფში. გუნდს ავტომატურად მიენიჭება ბოლო, მე-4 ადგილი და ის მე-16 (ბოლო) რეიტინგით გავარდება C ლიგაში.

❌ რუსეთის ქალთა ნაკრები მოხსნილია ევრო 2022-დან. ტურნირი 6-31 ივლისს ინგლისში უნდა გაიმართოს, სადაც რუსეთს პორტუგალიის ქალთა ნაკრები შეცვლის. სწორედ ამ ნაკრებს მოუგო რუსეთმა პლეი ოფში.

❌ რუსეთმა დისკვალიფიკაციის გამო უკვე გამოტოვა მსოფლიოს 2023 წლის ჩემპიონატის (ქალთა შორის) საკვალიფიკაციო ეტაპის ორი მატჩი. ჯგუფი კვლავ რუსეთის გარეშე გააგრძელებს ბრძოლას.

❌ რუსეთის ნაკრები მოკვეთილია 21-წლამდელთა ევროპის ჩემპიონატიდან (2023). C საკვალიფიკაციო ჯგუფში რუსეთის ნაკრებმა უკვე გამოტოვა ორი მატჩი და ჯგუფი კვლავ რუსეთის გარეშე გააგრძელებს ბრძოლას.

❌ რუსული კლუბები არ ითამაშებენ უეფას 2022/23 წლების ევროთასებზე (ჩემპიონთა ლიგა, ევროპალიგა, კონფერენსლიგა, ქალთა ჩემპიონთა ლიგა, ახალგაზრდული ლიგა). რუსეთს ამ სეზონისთვის მიენიჭება უეფას ყველაზე ცუდი კოეფიციენტი ბოლო 5 სეზონის განმავლობაში (4.3 ქულა).

❌ რუსეთი მოკვეთილია ფუტსალში ევრო 2022-დან (ქალთა შორის). ამ ნაკრებს უნგრეთი ჩაანაცვლებს.

❌ რუსული კლუბები მოკვეთილია უეფას ჩემპიონთა ლიგიდან ფუტსალში (2022/23 წლების სეზონი).

❌ რუსეთის 17 და 19 წლამდელთა ნაკრებები (ვაჟები, გოგონები) ახალ სეზონში არ იასპარეზებენ თავიანთ ჯგუფებში, ჯგუფებში 3-3 მონაწილე დარჩება.

❌ რუსეთი რეგიონების თასიდანაც მოკვეთეს.

❌ რუსეთის განაცხადი ევრო 2028-ის ან ევრო 2032-ის მასპინძლობაზე ჩაითვალა, როგორც უკანონო. მათ არც განიხილავენ.

Leave a Comment

თქვენი ელფოსტის მისამართი გამოქვეყნებული არ იყო.