რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, 18 და 23 მაისს ჩაქვი-მახინჯაურის გვირაბებში ავტოტრანსპორტის მოძრაობა შეიზღუდება.
როგორც დეპარტამენტის მიერ გავრცელებულ ინფორმაციაშია ნათქვამი, სენაკი-ფოთი-სარფის საავტომობილო გზის 92-ე კილომეტრზე არსებულ ჩაქვი-მახინჯაურის საავტომობილო გვირაბებში, პროფილაქტიკური სამუშაოების ჩატარების მიზნით, 2022 წლის 18 მაისის 08:00-დან 21 მაისის 08:00 საათამდე გვირაბის ქობულეთი-ბათუმის, ხოლო 23 მაისის 08:00-დან 25 მაისის 08:00 საათამდე გვირაბის ბათუმი-ქობულეთის მიმართულებაზე იკრძალება ყველა სახის ავტოტრანსპორტის მოძრაობა.
Post Views: 877