ქედაში მომხდარ ავტოსაგზაო შემთხვევას ორი ადამიანი ემსხვერპლა, დაშავდა რამდენიმე. ადგილობრივი მედიის ინფორმაციით გარდაცვლილები ისრაელის მოქალაქე ახალგაზრდა ქალები არიან.
სასწრაფო- სამედიცინო დახმარების ბრიგადებმა ერთი დაშავებული ბათუმში კლინიკა BMC-ში გადაიყვანეს, სამი კი ზედაპირული ტრავმებით ჰოსპიტალიზირებული არიან “მედალფაში”.
ადგილზე სამედიცინო დახმარება გაუწიეს კიდევ ორ დაშავებულს.
ავტოსაგზაო შემთხვევა ცოტა ხნის წინ მახუნცეთის გზაზე მოხდა. ერთმანეთს სატვირთო და მიკროავტობუსი შეეჯახა. მიკროავტობუსში ტურისტები იმყოფებოდნენ.
შემთხვევის ადგილას მობილიზებებული იყო სასწრაფო-სამედიცინო დახმარების ბრიგადები და საპატრულო პოლიციის ეკიპაჟი.
