უკვე დიდი ხანია, ნანუკა გულუა დაკარგულ ძმას ეძებს და როგორც ჩანს, დადგა ის მომენტი, როდესაც მას სპეციალური ტესტი სჭირდება:
„ძვირფასო მეგობრებო, და-ძმობის დასადგენი ანალიზი საქართველოში სადმე კეთდება?“, კითხულობს მსახიობი და ტელეწამყვანი, შემდეგ კი დასძენს, რომ ჰგონია, რომ ძმა იპოვა.
ნანუკამ მცირე ხნის წინ „სიცრუის დეტექტორში” ისაუბრა გაშვილებული ძმის თაობაზე:
– ეს თემა ჩემი ყოველწამიერი საფიქრალი და სატკივარია. უძველესი ისტორიაა. მამაჩემი მაშინ 18 წლის იყო. ქალბატონიც, დაახლოებით, 17-18 წლის. მათ ზუგდიდში საერთო შვილი ეყოლათ. თუმცა, არ შეუღლებულან და ქალბატონის დედამ ბავშვი გააშვილა. ის ქალი ქართველი არ არის. არავის ცხოვრების არევა არ მინდა. მამაჩემის გარდაცვალების შემდეგ ძალიან ცუდად მხდის ფაქტი, რომ სადღაც მისი შვილი, ჩემი ძმა დადის და შემიძლია, ვნახო.
