გუშინ, 9 მაისს, ქუთაისში, მდინარე რიონში ახალგაზრდა ქალის ცხედარი იპოვეს.
19 წლის გოგოს სამძებრო-სამაშველო სამუშაოები ბალახვანის ხიდის მიმდებარედ დაიწყო.
სამუშაოებში ჩართული იყვნენ მყვინთავები.
არსებული ინფორმაციით, დაღუპული ახალგაზრდა სოფელ ხიდარის მცხოვრები სალომე ბერაძეა.
ახალგაზრდა ქალს მაშველები დაახლოებით ორი დღის განმავლობაში ეძებდნენ.
„დიდი ტრაგედია დატრიალდა ხიდარში.
სოფელს აღარ ჰყავს, ახალგაზრდა, სიცოცხლით, სიკეთითა და ადამიანობით გამორჩეული, ყველასათვის საყვარელი, სალომე ბერაძე.
სალომემ ტრაგიკულად დატოვა ეს წუთისოფელი… რთულია სიტყვებით გადმოსცე ის ტკივილი, რასაც ამ მძიმე ამბის შემდეგ განვიცდით.
ხიდრის ადმინისტრაციული ერთეულის სახელით, გამოვხატავთ ღრმა მწუხარებას და თანაგრძნობას ვუცხადებთ სალომეს მშობლებს, ოჯახს, ახლობლებს, მეგობრებს და სოფელ ხიდარს.
მარადიული ხსოვნა მის ნათელ სულს…ცნობილია გოგონას ვინაობა, რომელიც ქუთაისში, მდინარე რიონში დაიხრჩო“ – აღნიშნულია ხიდარის ადმინისტრაციული ერთეულის განცხადებაში.
