ჩემპიონთა ლიგის ნახევარფინალში, პსჟ-სა და „არსენალის“ საპასუხო მატჩი ლეგენდარულმა ფრანგმა ფეხბურთელმა, ტიერი ანრიმ შეაფასა და პარიზული გუნდის ახალი პროექტის მიმართ სიმპათიები ვერ დამალა. ანრი ხვიჩა კვარაცხელიას თამაშსაც შეეხო და შეხვედრის მიწურულს, ქართველი ფეხბურთელის ქმედებები გამოარჩია.
“როდესაც ხედავთ კვარაცხელიას, როგორ დარბის ბურთის გარეშე, ეს უბრალოდ შესანიშნავია. რაც მან შეხვედრის მიწურულს გააკეთა, ეს უბრალოდ წარმოუდგენელი იყო. როდესაც გუნდი ორი ბურთის უპირატესობით იგებს, არ ცდილობს, რომ ვარსკვლავი იყოს. როდესაც თავისუფალ სივრცეში ბურთი მიიღო, გაიქცა და კუთხურის ალამთან მიიტანა, ამით კი რამდენიმე წუთი გაიყვანა. ეს იმიტომ გააკეთა, რომ იცოდა, სწორედ ეს იყო საჭირო ჩემპიონთა ლიგის ფინალში გასასვლელად. „ბარსელონაც“ იგებდა, მაგრამ ასე არ მოიქცა… სწორედ ეს არის განსხვავება ძველ და ახალ პსჟ-ს შორის“. – განაცხადა ანრიმ.
