ცნობილი ფოტოგრაფი, დავით ოქროპილაშვილი [დანტესი], რომლის დახმარებით და მის მიერ მოქალაქეების მობილიზების მეშვეობით 16 წლის მარიამ კოხრეიძეს თურქეთში მნიშვნელოვანი ოპერაცია გაუკეთდა, სოციალურ ქსელში ახალ სასიხარულო ამბავს ავრცელებს.
დავით ოქროპილაშვილი ამბობს, რომ ერთ-ერთი კომპანია მარიამის სახლს არემონტებს – სამუშაოები მარიამის თურქეთში გამგზავრების დღიდან დაიწყო და აქტიურად მიმდინარეობს.
„ვინც ჯერ კიდევ არ იცით, მარიამის სახლის რემონტი მისი თურქეთში წამოსვლის დღიდან დაიწყო. „პანორამა ჯგუფმა“ საკუთარ თავზე აიღო, რომ მარიამის სახლს სრულიად გაარემონტებდა.
რადგან უკვე თავად ატვირთეს რემონტის მიმდინარეობის ვიდეო სოციალურ პლატფორმაზე, ახლა მეც გაჩვენებთ, რომ მარიამის სახლის კეთების პროცესი მიმდინარეობს.
ძალიან ბევრი კომენტარი მხვდებოდა, რომ მარიამს ოპერაციის შემდეგ იმ პირობებში ცხოვრება გაუჭირდებოდა“, – აღნიშნავს დავით ოქროპილაშვილი ვიდეომიმართვაში.
