“მატილდა გვარლიანი სამოდელო სფეროში იგივეს აკეთებს, რასაც “კვარა” ფეხბურთში” – რას წერს ზაზა შენგელია

,,ბრავო რექორდსის“ დამფუძნებელი ზაზა შენგელია „Victoria Secret 2024“-ის ჩვენებაზე მატილდა გვარლიანის მონაწილეობას სოციალურ ქსელში ეხმიანება.

როგორც ზაზა შენგელია წერს, „სამოდელო ბიზნესში მატილდა გვარლიანი, ფაქტობრივად, იმავეს აკეთებს, რასაც ხვიჩა კვარაცხელია ფეხბურთში“.

„საოცარი სილამაზე, შარმი და აურა აქვს ამ გოგოს და თან ძალიან ჭკვიანი და გონიერია.

ქართული სამოდელო ბიზნესის ისტორიაში პირველი ქართველი მოდელია, რომელმაც „Victoria Secret 2024“ პრესტიჟულ მოდების ჩვენებაში მიიღო მონაწილეობა ქეით მოსთან, ჯიჯი ჰადიდთან, ადრიანა ლიმასთან, ტაირა ბენქსთან, ბარბარა პალვინთან და სხვა მსოფლიოს Top სუპერმოდელებთან ერთად.

ფაქტობრივად, სამოდელო ბიზნესში ეს გოგო იმავეს აკეთებს, რასაც „კვარა“ ფეხბურთში“, – წერს ზაზა შენგელია სოციალურ ქსელში.