რუსეთში ცდილობენ, ცნობილი მომღერლის ალა პუგაჩოვას, რომელმაც რუსეთ-უკრაინის ომის დაწყების შემდეგ კრემლის რეჟიმი დაგმო და ემიგრაციაში წავიდა, კვალი წაშალონ. ოკუპანტს ქვეყანაში ახლახან გადაწყვიტეს, რომ მას “რუსული სცენის დედოფლის” წოდება უნდა ჩამოერთვას.
პეტერბურგში გამართულ ეკონომიკურ ფორუმზე გადაწყვიტეს, რომ პრიმადონას ომის საწინააღმდეგო პოზიცია არ აძლევს მას პოპ დედოფლის სტატუსის ტარების უფლებას. რუსების აზრით, ამ ტიტულს ცნობილი პუტინისტი ლუბა უსპენსკაია იმსახურებს.
სანქტ-პეტერბურგში გამართულ საერთაშორისო ეკონომიკურ ფორუმს, უკვე რამდენიმე წელია, რაც რუსული შოუბიზნესის ვარსკვლავებიც ესწრებიან.
„უსპენსკაია იმდენად დიდ შთაბეჭდილებას ახდენს მაყურებელზე, რომ მან თავისუფლად შეცვალა პუგაჩოვა და ის ახლა სცენის დედოფალია“, – წერენ რუსული პროპაგანდისტული გამოცემები.
