ამერიკის შეერთებულ შტატებში, ქალაქ ნიუ-იორკში, საქართველოს მოქალაქე დაიღუპა. პროფესიით ექიმი, 38 წლის გურამ შინჯიკაშვილი გარდაცვლილი ტრაილერში იპოვეს.
ახლობლების ინფორმაციით, გურამ შინჯიკაშვილმა დილით ტრაილერი დატვირთა, საღამოს კი აღარ გამოჩნდა.
ძებნის შემდეგ, მეგობრებმა ის შუშებაწეულ მანქანაში მიაკვლიეს.
მათი ვერსიით, სავარაუდოდ, დაღლილობის ფონზე, მამაკაცს ჩაეძინა და უჰაერობის გამო, გაიგუდა.
შინჯიკაშვილის ცხედრის საქართველოში გადმოსვენების პროცესში საქართველოს საგარეო საქმეთა სამინისტროსა და ნიუ-იორკში საქართველოს საკონსულოს ჩართვა იგეგმება.
