კორნელი კეკელიძის სახელობის საქართველოს ხელნაწერთა ეროვნული ცენტრი იუწყება, რომ ხანმოკლე ავადმყოფობის შემდეგ, გარდაიცვალა გამოჩენილი ქართველი მეცნიერი-ხელოვნებათმცოდნე ელენე მაჭავარიანი.
ხელნაწერთა ეროვნული ცენტრის ინფორმაციით, ელენე მაჭავარიანი იყო ქართული დამწერლობის, კალიგრაფიის, ხელნაწერი წიგნის მინიატურის აღიარებული და ღვაწლმოსილი მკვლევარი, ცენტრის უხუცესი თანამშრომელი (დღიდან დაარსებისა), ხელოვნებათმცოდნეობის დოქტორი, პროფესორი.
ცენტრი სამძიმარს უცხადებს განსვენებულის ახლობლებს, ნათესავებსა და კოლეგებს.
