დონალდ ტრამპმა კვირას ახლო აღმოსავლეთის ლიდერებთან სატელეფონო საუბრები გამართა, განაცხადა თეთრი სახლის პრესმდივანმა, ერთი დღის შემდეგ, რაც მან გამოაცხადა, რომ შეერთებულმა შტატებმა ირანში „მასშტაბური საბრძოლო ოპერაციები“ დაიწყო – ინფორმაციას CNN ავრცელებს
„დღეს პრეზიდენტი ტრამპი ესაუბრა ისრაელის, ბაჰრეინისა და არაბთა გაერთიანებული საამიროების ლიდერებს,“ – დაწერა კაროლინ ლევიტმა სოციალურ ქსელ X-ზე.
იმავე განცხადებაში პრესმდივანმა აღნიშნა, რომ პრეზიდენტს მიეწოდა ინფორმაცია ოსტინის უბანში მომხდარი სასიკვდილო სროლის შესახებ. აშშ-ის ფედერალური ბიურო იძიებს ტეხასში მომხდარ მასობრივ სროლას და ამოწმებს „ტერორიზმთან შესაძლო კავშირს“. შემთხვევის შედეგად დაიღუპა სულ მცირე სამი ადამიანი, მათ შორის ეჭვმიტანილი თავდამსხმელი, ხოლო 14 პირი დაშავდა.
ტრამპი პარასკევიდან საკუთარ რეზიდენციაში მარ-ა-ლაგო, უესტ-პალმ-ბიჩში, ფლორიდის შტატში იმყოფება, თუმცა დღეს დაგეგმილია, მისი თეთრ სახლში დაბრუნება.
