თურქულმა სამყარომ და კინოინდუსტრიამ მძიმე დანაკლისი განიცადა. 27 წლის ასაკში, ხანგრძლივი მკურნალობის შემდეგ, მსახიობი იბრაჰიმ ილდიზი გარდაიცვალა.
საბედისწერო შემთხვევა
ტრაგედია 2025 წლის 17 აგვისტოს სტამბოლში, ქართალის რაიონში მოხდა. ძლიერი ქარის შედეგად მოგლეჯილი ხე მსახიობს დაეცა, რის შედეგადაც მან მძიმე დაზიანებები მიიღო. ილდიზი 194 დღის განმავლობაში რეანიმაციულ განყოფილებაში სიცოცხლისთვის იბრძოდა, თუმცა მისი გადარჩენა ვერ მოხერხდა და 2026 წლის 27 თებერვალს გარდაიცვალა.
რაბია სოითურქის ემოციური დამშვიდობება
იბრაჰიმ ილდიზის გარდაცვალებას სოციალურ ქსელში ემოციური პოსტით გამოეხმაურა მისი პარტნიორი პოპულარული სერიალიდან “დამიჯერე” (Duy Beni), მსახიობი რაბია სოითურქი. მან გადასაღები მოედნიდან საერთო კადრები გააზიარა და მეგობარს გულთბილი სიტყვებით დაემშვიდობა.
ვინ იყო იბრაჰიმ ილდიზი?
იბრაჰიმ ილდიზმა სამსახიობო კარიერა სერიალში “დიდებული საუკუნე: ქოსემი” დაიწყო. თუმცა, ფართო საზოგადოებამ ის განსაკუთრებით შეიყვარა სერიალიდან “დამიჯერე”, სადაც დაჰანის პერსონაჟს ასახიერებდა. ის არა მხოლოდ ეკრანებზე, არამედ თეატრის სცენაზეც აქტიურად მოღვაწეობდა.
მისი მონაწილეობით ცნობილი პროექტებია:
“დიდებული საუკუნე: ქოსემი” (2015)
“აღმოჩენა” (Keşif, 2018)
“ერთი გული” (Tek Yürek, 2019)
“ჩრდილოეთის ვარსკვლავი” (Kuzey Yıldızı, 2020)
“ერთხელ კვიპროსში” (Bir Zamanlar Kıbrıs, 2021)
“დამიჯერე” (Duy Beni, 2022)
წყარო : Ambebi.ge
