ექიმი, გიორგი ღოღობერიძე სოციალურ ქსელში ვიდეომიმართვას ავრცელებს და თავის გამომწერებს რეკომენდაციას უზიარებს.
ექიმი ამბობს, რომ თეთრი პურის მიღება საღამოს კვების დროს არ არის რეკომენდებული. ღოღობერიძე რჩევასაც უზიარებს თავის გამომწერებს და ამბობს, რომ პურის ჩანაცვლება შესაძლებელია ბერძნული იოგურტითა და თხილეულით.
„თუ ძილის წინ საკვების მიღებას ფიქრობ, მე გეტყვი რისი მიღება არ შეიძლება არავითარ შემთხვევაში, ასევე გეტყვით რა შეგიძლიათ მიირთვათ მის ნაცვლად:
არავითარ შემთხვევაში, არასდროს, გამონაკლისის სახითაც კი, არ მიირთვათ ძილის წინ თეთრი პური. თეთრი პური ზოგადად საღამოს საათებში ისედაც არ ვარგა, რადგან მას აქვს ძალიან მაღალი გლიკემიური ინდექსი. ის ჩვენს ორგანიზმში ძალიან სწრაფად იშლება, საბოლოო ჯამში გლუკოზა შეიწოვება ძალიან სწრაფად, თქვენი პანკრეასი პანიკაში გამოყოფს ძალიან ბევრ ინსულინს, ინსულინი გლუკოზას „შეყრის“ კუნთებში და ღვიძლში და სისხლში დარჩება რამდენიმე საათში არაფერი და ღამის საათებში სისხლში გლუკოზის რაოდენობა სწრაფად ეცემა. ამ დროს სხეულს კი არა თავის ტვინს შია პირდაპირი მნიშვნელობით, ეს კი ნერვიულ სისტემას ისე ძაბავს, რომ ღამის საათებში გამოგეღვიძებათ კიდეც, მკვეთრად არღვევს ძილის ხარისხს, დილით რომ გაიღვიძებთ, იქნებით დაღლილი და მშიერი.
არ განაყრეთ ეს თეთრი პური და საბოლოო ჯამში მიდრეკილს გხდით კალორიული საკვების მიმართ. ამიტომაც არის, რომ მუცელზე იმატებს „ღიპი“ – ამიტომ საღამოს არასოდეს არ მიირთვა თეთრი პური.
თუ ძალიან გშიათ და გინდათ, რომ შიმშილის გრძნობა მოიკლათ, მიირთვით იოგურტი. სჯობს ბერძნული იოგურტი და თუ მას დაამატებ თხილს ჩვეულებრივს ან მიწის თხილს ან ნიგოზს, იქნება იდეალური, რადგან ძალიან მაღალია ცილების შემცველობა, თითქმის არაფერია ნახშირწყლოვანი და გლიკემიური ინდექსი იმდენად დაბალია, რომ თქვენს ინსულინის ზრდას სისხლში მკვეთრად არც გამოიწვევს“, – ამბობს ღოღობერიძე.
