გადაცემა „ნანუკა ჟორჟოლიანის შოუს“ დღევანდელ ეპიზოდში, მაყურებელმა კესარია აბრამიძის დედასთან ინტერვიუ იხილა.
როგორც „ნანუკა ჟორჟოლიანის შოუს“ „ფეისბუკის“ გვერდზე გამოქვეყნებულ ვიდეოში კესარია აბრამიძის დედა აღნიშნავს, ის სასამართლოს მიერ გამოტანილი განაჩენით კმაყოფილია.
„მე ახლაც ვამაყობ მისით. ხშირად მეუბნებოდა, რომ მე მგავს და ვიცი რომ ამაყობდა ამით. ის ცოცხალია ჩემთვის. მუდამ ძალას მაძლევს. აქაც რომ მოვედი, ამის ძალა მან მომცა. მიყვებოდა, რომ უყვარდათ ერთმანეთი. ასეთი სიტუაცია თუ იყო მე არ ვიცოდი. არ მეუბნებოდა რომ არ მენერვიულა. ბოდიშს მოვიხდი დედამისთან, მაგრამ მე ის ბიჭი არ მომწონდა. მათ ჩემთვის ბოდიში არ მოუხდიათ, დედამისმა თქვა მხოლოდ ტელევიზიით რაღაც.
კესარიას სულ ვეუბნებოდი, რომ ეს არ არის შენი საქმე. უხეში მიმართვები ჰქონდა. ჩვენსავით თბილი არ იყო. კესო მეუბნებოდა, რომ ასეთია და რომ მასთან ბედნიერია. ის საკმაოდ ძლიერი იყო და უნდა ეთქვა, რომ ცუდად ექცეოდა. არ ვიცი, რატომ დამალა. მქონდა დედობრივი ინსტიქტი და შიში, ვინმემ რამე არ დაუშავოს.
შოკში ვიყავი, თავიდან არაფერი მითხრეს, მომატყუეს თითქოს კესო საავადმყოფოში იწვა. უკვე დიდი იყო, ცხოვრების გამოცდილებაც ჰქონდა და ეს თუ მოხდებოდა ნამდვილად არ მეგონა. განაჩენით კმაყოფილი ვარ, ის მზის სინათლეს ვერ ნახავს, რა უნდა მაგას გარეთ.
მე კიდევ ერთი შვილი მყავს და მისთვის უნდა ვიცოცხლო. იმის იმედი მაქვს, რომ მეც იქ უნდა წავიდე. ველოდები წუთებს. მას უნდოდა მუდამ ლამაზი და პოზიტიური ვყოფილიყავი. კესოს ვეტყოდი: დედა, მე კარგად ვარ და მიყვარხარ ძალიან.
ამოუდექით მხარში თქვენს შვილებს, მიიღეთ ისეთები როგორებიც არიან. კესარია მხოლოდ მაკიაჟი და ჩაცმა არ იყო. მას ყველასთან ურთიერთობა შეეძლო. ძალიან თბილი და განსხვავებული იყო, ყველას დეტალებში აკვირდებოდა“, – საუბრობს კესარიას დედა.
ვიდეო იხილეთ ლინკზე.
