ხალხური მედიცინის სპეციალისტი, არუნ ხათრი სოციალურ ქსელში მორიგ რეკომენდაციას აქვეყნებს და ამბობს, რომ ადამიანების უმეტესობა სუნამოს ყელზე იფრქვევს, რაც ჯანმრთელობისთვის სახიფათოა.
მისი თქმით, როდესაც ხშირად სუნამოს ყელზე ვისხამთ, ამ ქიმიკატებს, რომელიც შესაძლოა სუნამოში არსებობდეს, „ფარისებრ ჯირკვალზე ვათავსებთ“:
„ადამიანების უმეტესობა სუნამოს კისერზე იფრქვევს… იმის ცოდნის გარეშე, რა შეიძლება მოხდეს. კისერი უბრალოდ კანი არ არის, ეს არის სხეულის ერთ-ერთი ყველაზე თხელი და შთამნთქმელი ადგილი. მის ქვემოთ მდებარეობს ფარისებრი ჯირკვალი, რომელიც აკონტროლებს
მეტაბოლიზმს
ტვინს
ენერგიას
ჰორმონებს
ბევრი სუნამო შეიცავს სინთეზურ ქიმიურ სურნელოვან ნივთიერებებს. ეს ქიმიკატები კანზე უბრალოდ არ რჩება, ისინი შეიძლება შეიწოვოს ორგანიზმმა. როცა ყოველდღე სუნამოს პირდაპირ კისერზე ისხამთ, ამ ქიმიკატებს ფარისებრ ჯირკვალზე ათავსებთ. ეს მნიშვნელოვანია, რადგან ფარისებრი ჯირკვალი მართავს მთელ ჰორმონალურ სისტემას. მცირე დოზა, ყოველდღე, წლების განმავლობაში, შეიძლება ჩუმად არღვევდეს ჰორმონულ ბალანსს.
უფრო ჭკვიანი ჩვევა
კისერზე შესხურების ნაცვლად, შეგიძლიათ სუნამო გამოიყენოთ ტანსაცმელზე, ისევ კარგად იგრძნობთ სურნელს, მაგრამ აღარ მოათავსებთ ქიმიკატებს თქვენი ჰორმონების საკონტროლო ცენტრზე. დაიცავით ფარისებრი ჯირკვალი, დაიცავით ჰორმონები, დაიცავით თქვენი მომავალი“, – წერს არუნ ხათრი სოციალურ ქსელში.
