განათლების მინისტრის განცხადებით, სკოლებში მობილური ტელეფონების გამოყენება აიკრძალება, რისთვისაც სპეციალური წესი შესაბამისი სტანდარტებით დაინერგება. ამის შესახებ გივი მიქანაძემ ზოგადი განათლების რეფორმის წარდგენისას განაცხადა.
„მნიშვნელოვნად მიგვაჩნია, რომ სასწავლო გარემოზე ორიენტაციისთვის და სრული ჩართულობისთვის მნიშვნელოვანია, რომ სასკოლო პროცესში ავკრძალოთ მობილური ტელეფონების გამოყენება. შემუშავდება შესაბამისი წესი, რომელიც შესაბამისი სტანდარტით დაინერგება და რა თქმა უნდა, მაქსიმალურად დაცული იქნება ბალანსი იმისთვის რომ არც სასწავლო პროცესი დაზიანდეს და არც ბავშვს მშობელთან ან მისთვის საინტერესო ადამიანთან კომუნიკაციის შესაძლებლობა არ დაერღვეს“, – განაცხადა მინისტრმა.
