ალერგოლოგ-იმუნოლოგი ბიძინა კულუმბეგოვი სოციალურ ქსელში სტატუსს აქვეყნებს, სადაც ჰაერის დაბინძურების შესახებ წერს. იგი საზოგადოებას უზიარებს რეკომენდაციებს, რომელიც ამ დროს უნდა დაიცვან 👇
„საქართველოს გარემოს ეროვნული სააგენტოს მიხედვით, თბილისის ჰაერი საგრძნობლად დაბინძურებულია მყარი ნაწილაკებით (PM2.5 და PM10). გთხოვთ დაიცავით შემდეგი რეკომენდაციები, განსაკუთრებით ასთმის და ფილტვის ქრონიკული ობსტრუქციული დაავადების მქონე პაციენტებმა: ✅ დარჩით შენობაში და შეზღუდეთ ქუჩაში ყოფნის დრო ✅მოერიდეთ ფიზიკურ დატვირთვას გარეთ ✅არ გაანიავოთ საცხოვრებელი სახლი ან ოფისი, სანამ ჰაერის ხარისხი არ გაუმჯობესდება. ✅გამოიყენეთ შესაბამისი ნიღაბი: N95 ან FFP2 ტიპის რესპირატორი (ჩვეულებრივი სამედიცინო ნიღაბი ასეთი ზომის მყარ ნაწილაკებს ვერ აკავებს). ✅მანქანაში ჩართეთ შიდა ჰაერის წმენდის რეჟიმი ✅სახლი დაალაგეთ სველი წესით. ჯანმრთელობას გისურვებთ!“, – წერს ბიძინა კულუმბეგოვი.
