მნიშვნელოვანი ინფორმაცია მასწავლებლებისთვის

გამოცდების ეროვნული ცენტრის ინფორმაციით, პრაქტიკოსი მასწავლებლების გამოცდები 1-3 დეკემბერს ჩატარდება.

naec.ge პედაგოგებისთვის დეტალებს ავრცელებს:

„პრაქტიკოსი მასწავლებლებისა და პრაქტიკოსი სპეციალური მასწავლებლების 2025 წლის საგნისა და უფროსი სპეციალური მასწავლებლების გამოცდები პირველ დეკემბერს დაიწყება და 3 დეკემბერს დასრულდება.

ამ გამოცდებისათვის 700-ზე მეტი მსურველია დარეგისტრირებული.

საგამოცდო ცენტრები თბილისის N177 საჯარო სკოლასა (მის.: დავით ჯაბიძის ქ. N38 – გლდანი, მე-5 მ/რ) და ქუთაისის N23 საჯარო სკოლაში (მის.: არაყიშვილის ქ. №15) გაიხსნება. კონკრეტული საგამოცდო ცენტრის მისამართი, თითოეული გამოცდის თარიღი, რეგისტრაციის დაწყების დრო და სხვა მნიშვნელოვანი რეკომენდაციები მითითებული იქნება საგამოცდო ბარათზე, რომლის ამობეჭდვაც დარეგისტრირებულ აპლიკანტებს შეფასებისა და გამოცდების ეროვნული ცენტრის სარეგისტრაციო გვერდიდან online.naec.ge შეუძლიათ.

ცენტრი სთხოვს ყველა მონაწილეს, ყურადღებით გაეცნოს ბარათზე მითითებულ ინფორმაციას და დროულად გამოცხადდეს საგამოცდო ცენტრში.

რეგისტრაციის გასავლელად გამოსაცდელმა თან უნდა იქონიოს პირადობის დამადასტურებელი დოკუმენტი და საგამოცდო ბარათი. სურვილის შემთხვევაში – წყალი პლასტმასის ბოთლით. გამოცდაზე არ შეიძლება მობილური ტელეფონისა და ნებისმიერი ელექტრონული ხელსაწყოს, მათ შორის, გამორთულ მდგომარეობაში შეტანა. ზედმეტი ნივთების დატოვება შესაძლებელი იქნება ნივთების შესანახ სივრცეში.გამოცხადდეს ცენტრში, რადგან რეგისტრაციის დასრულების შემდეგ გამოცდაზე აღარ დაიშვება.

საგამოცდო ბარათების ამობეჭდვის დეტალური ინსტრუქცია

საგამოცდო პროგრამები და კრებულები

პრაქტიკოსი სპეციალური მასწავლებლის სტატუსის მქონე პედაგოგებს შეუძლიათ ჩააბარონ  მხოლოდ უფროსი სპეციალური მასწავლებლის გამოცდა, ხოლო პრაქტიკოსი მასწავლებლის სტატუსის მქონე  პირებს –  ერთ-ერთი საგნის გამოცდა შემდეგი ჩამონათვალიდან: 

მათემატიკა (დაწყებითი საფეხური);

ბუნებისმეტყველება (დაწყებითი საფეხური);

აზერბაიჯანული ენა და ლიტერატურა, მათემატიკა და ბუნებისმეტყველება (I-IV კლასები);

რუსული ენა და ლიტერატურა, მათემატიკა და ბუნებისმეტყველება (I-IV კლასები);

სომხური ენა და ლიტერატურა, მათემატიკა და ბუნებისმეტყველება (I-IV კლასები);

ქართული ენა არაქართულენოვანი სკოლებისა და სექტორებისთვის (დაწყებითი, საბაზო ან/და საშუალო საფეხური);

მათემატიკა (საბაზო ან/და საშუალო საფეხური);

საზოგადოებრივი მეცნიერებები (საბაზო ან/და საშუალო საფეხური): ისტორია, გეოგრაფია, სამოქალაქო განათლება;

საბუნებისმეტყველო მეცნიერებები (საბაზო ან/და საშუალო საფეხური): ფიზიკა, ქიმია, ბიოლოგია;

უცხოური ენები (დაწყებითი, საბაზო ან/და საშუალო საფეხური): ინგლისური, გერმანული, ფრანგული, რუსული;

სახვითი და გამოყენებითი ხელოვნება;

მუსიკა;

სპორტი;

ინფორმაციული და საკომუნიკაციო ტექნოლოგიები/კომპიუტერული ტექნოლოგიები;

სომხური ენის გამოცდა;

აზერბაიჯანული ენის გამოცდა.