მომღერალი გიორგი სუხიტაშვილი ლაშა ბასლანძის გარდაცვალებასთან დაკავშირებით სოციალურ ქსელში პოსტს აქვეყნებს და კრიტიკოსებს მიმართავს:
„ღირსება კიდევ იცით რა არის?! ადამიანს რომელსაც რადიკალურად არ ეთანხმებით, რომელსაც შეიძლება ვერ იტანდე და რომელთანაც არ გსურდა ახლო ურთიერთობა, მაგრამ როდესაც მას ცუდი რამ შეემთხვევა, ან ჯანმრთელობაზე ან რაიმე უფრო უარესი ტრაგედია დაატყდება თავს უნდა მიხვიდე, თანაუგრძნო, მხარში დაუდგე, ადამიანური ემპათია გამოიჩინო და მის გარემოცვას ნუგეში მიუტანო. თუ ეს არ შეგიძლია არც კაცად ვარგიხარ და არც ქალად, ადამიანობაზე არ უნდა გქონდეს პრეტენზია. ყველაზე მეტად იმაზე მწყდება გული როდესაც ამას ვხედავ, აი ეს მიქმნის უიმედობის განცდას, აქ ვერ ვხედავ მომავალს და ეს მიმაჩნია ყველაზე საშიშ მომავლად“, – წერს გიორგი სუხიტაშვილი.
რესტორან „ქვევრის“ მფლობელი ლაშა ბასლანძე 40 წლის ასაკში გარდაიცვალა. ინფორმაცია სოციალურ ქსელში ცოტა ხნის წინ მისმა მეგობარმა ამიკო ჯანელიძემ გაავრცელა. მოგვიანებით კი სამწუხარო ინფორმაცია დადასტურდა. ლაშა ბასლანძის გარდაცვალების ზუსტი მიზეზი ჯერჯერობით უცნობია, გავრცელებული ინფორმაციით კი იგი გულის შეტევით გარდაიცვალა.
