აბაშაში დატრიალებულმა ტრაგედიამ საზოგადოება შეძრა – 24 ოქტომბერს, სამტრედია-აბაშის გზაზე მომხდარი ავარიის დროს დაშავებული 19 წლის ბაჩო ლასარეიშვილი კლინიკაში გარდაიცვალა, მისი მეუღლის – ლიკა კუჭუხიძის მდგომარეობა კი ამ დრომდე უმძიმესია.
ლიკა კუჭუხიძის ჯანმრთელობის მდგომარეობის შესახებ „ფორტუნასთან“ დაშავებული ახალგაზრდას ოჯახის ახლობელი საუბრობს და ამბობს, რომ ლიკა ამ დრომდე კომაში იმყოფება.
„ექიმებს პროგნოზის გაკეთება უჭირთ. უმძიმესი პაციენტია. ბავშვი კომიდან ვერ გამოდის, ოპერაცია გუშინ გაუკეთეს. საწყალი დედამისი, იტალიაში იყო, საქართველოში გუშინ დაბრუნდა. მამამისს წუხელ ვესაუბრე და მითხრა, თავის ტვინში შეშუპება წავიდაო…
ვნახოთ, არ ვიცი, რა იქნება… უფლის იმედი გვაქვს, ყველა, მთელი საქართველო ამ ბავშვისთვის ლოცულობს. ბაჩოს დედასაც მხოლოდ ეს ერთი შვილი ჰყავდა“, – ამბობს ოჯახის ახლობელი „ფორტუნასთან“.
წყარო : Fortuna.ge
