14 ივნისს, გონიოში მომხდარ ავტოსაგზაო შემთხვევას 25 წლამდე ასაკის სამი ახალგაზრდა – მეგი ჯაიანი, ანა მახარაძე და სალომე გორგაძე ემსხვერპლა.
ზაირა გორგაძე პატარძლის კაბით თავისი დის საფლავზე მივიდა და ემოციური კადრები სოციალურ ქსელში გაგვიზიარა.
„გლოვის ყველაზე მძიმე დღე.არ არის დაკრძალვის დღე და არც იმ ადამიანის წასვლის წლისთავი.ეს არ არის კალენდარში მონიშნული თარიღი.ყველაზე მძიმე დღე ჩვეულებრივი დღეა.ეს არის ის მომენტი, როცა რაღაც ლამაზი გემართება და ხვდები, რომ უკვე ვეღარ მიირბენ, რათა მას გაუზიარო.ეს არის ის წამი, როცა ტკივილი მოგწვდება,და აღარ არის ის მკლავები, რომლებსაც შეეძლოთ შენი ჩახუტება, და არც ის ხმა, რომელიც გზას გიჩვენებდა.ყველაზე მძიმე დღე უბრალოდ ისეთივე დღეა, როგორიც ყველა სხვა, რომელშიც ყველაფერი ნორმალურად გამოიყურება, მაგრამ არყოფნა ყველაზე მეტად გტკივა“, – ვკითხულობთ ტექსტში.
შეგახსენებთ, ავტოსაგზაო შემთხვევა გონიოში 14 ივნისს მოხდა – ბათუმიდან სარფის მიმართულებით მოძრავი მსუბუქი ავტომობილი გაჩერებულ სატვირთო ავტომობილს შეეჯახა, ადგილზე გარდაიცვალა სამი გოგო, დაშავდა ავტომობილში მყოფი კიდევ 2 ადამიანი.
