ბრუკლინის მეტროში სერფინგის ინციდენტს 12 წლის გოგონა ემსხვერპლა. მშობლების თქმით, ის სოციალურ მედიაში ტრიუკების შესრულებით იყო შეპყრობილი და შაბათს, სიკვდილამდე, სახლიდან გაიქცა.
„მე ყოველთვის ვმუშაობ და არ ვიცი, რას აკეთებს, ან სად არის“, – განუცხადა The Post-ს გოგონას დედამ, უკრაინელმა ნატალია რუდენკომ. „ერთხელ ვიდეო ვნახე, სადაც ის უილიამსბურგის ხიდის თავზე იდგა.”
გასულ თვეში ბავშვმა TikTok-ზე ვიდეო გამოაქვეყნა, სადაც ის ლიანდაგებზე იწვა, მეტრო კი მასზე ხმაურით გადაადგილდებოდა. თინეიჯერი შაბათს დილით გარდაიცვალა, როდესაც მარსი ავენიუ-ბროდვეის სადგურთან ახლოს J-ს მარკის მატარებლის სახურავზე მოძრაობდა.
დაახლოებით დილის 3:10 საათზე გოგონა და მისი 13 წლის მეგობარი, მანჰეტენელი ება მორინა, უილიამსბურგის სადგურთან ახლოს უგონო მდგომარეობაში იპოვეს — მოგვიანებით ორივე გარდაცვლილად გამოაცხადეს.
აღსანიშნავია, რომ სახიფათო ტრიუკებმა, რომელიც სოციალური მედიის საშუალებით უფრო პოპულარული გახდა, გასულ წელს ექვსი ადამიანის სიცოცხლე შეიწირა.
წყარო : Ambebi.ge
