რა იწვევს პაპილომებს და როგორ ვუმკურნალოთ? – ექიმი გიორგი ღოღობერიძე ვიდეომიმართვას ავრცელებს.
ექიმი გავრცელებული პრობლემის, კანზე არსებული პაპილომების გამომწვევ მიზეზებსა და მკურნალობის გზებზე დეტალურად საუბრობს:
„პაპილომები ხშირი შემთხვევაა, განსაკუთრებით მათთან, ვისაც წონა აქვს დიდი, ან ასაკშია.
პაპილომები ხშირია კისრის არეში, იღლიებში, ზოგადად იმ ადგილებში, სადაც მოძრაობისას ხახუნი მეტია…
პაპილომები არის მრავლობითი, არის ასევე მცირე ზომის, რბილია და ხორცისებრია.
რაც შეეხება კითხვას რა იწვევს პაპილომებს – ის გამოწვეულია ადამიანის დაბალი რისკის პაპილომა ვირუსებით.
ჩნდება კითხვა, როგორ გვაინფიცირებს ეს ვირუსი?
წარმოიდგინე, რომ შეგხვდა პაპილომიანი ნაცნობი, გადაგკოცნა, მისი კანი შეეხო თქვენს კანს და ვირუსი უკვე აღმოჩნდა თქვენს სხეულზე, შემდეგ კი თქვენს სხეულში და ასე ხართ უკვე ინფიცირებული. თუმცა იმის მიუხედავად რომ თქვენ ხართ ინფიცირებული, ეს არ ნიშნავს რომ აუცილებლად გაგიჩნდებათ პაპილომა კანზე, რადგან გაქვთ იმუნური სისტემა, რაც არ აძლევს საშუალებას, რომ პაპილომა განგივითარდეთ.
იმ შემთხვევაში განვითარდება პაპილომები, თუ იმუნიტეტი არის დაქვეითებული.
ხშირი რისკფაქტორებია – ჭარბი წონა, ინსულინზე რეზისტენტობა და შაქრიანი დიაბეტი.
ადამიანები ამ პრობლემის მოგვარებას მოყინვის მეთოდით, მოწვის, ლაზერის მეთოდით ან ქირურგიის საშუალებით ცდილობენ, თუმცა პაპილომა მაინც გაჩნდება, რადგან აღმოსაფხვრელია რისკფაქტორები და ესენია ჭარბი წონა, ინსულინზე რეზისტენტობა და შაქრიანი დიაბეტი. მათი სწორი მართვის შემთხვევაში, პაპილომების განვითარების რისკი მკვეთრად დაიწევს“ – ამბობს გიორგი ღოღობერიძე.
