ლანჩხუთელი ნინო ფირცხალაიშვილი, რომლის გარდაცვალებამაც თანაქალაქელები აატირა, ახალგაზრდა, მაგრამ ძალიან ყურადღებიანი და ნიჭიერი ექიმი, დერმატოლოგ-ვენეროლოგი გახლდათ. იგი, სამწუხაროდ, მშობიარობას გადაჰყვა.
როგორც მისი ახლობლები სოციალურ ქსელში წერენ, ნინოს ორი შვილი დარჩა. რა გახდა ქალის გარდაცვალების მიზეზი უცნობია, თუმცა როგორც მისი ფოტოებიდან ჩანს, ორსული ქალი თავს კარგად გრძნობდა. მან მშობიარობამდე ერთი დღით ადრეც გამოაქვეყნა ფოტო “ფეისბუქზე“, სადაც წერდა, რომ სამშობიაროში წასვლას მოუთმენლად ელოდა.
“არა! აღარ შემიძლია!… ჩემი გიორგის ჯგუფელი ნინო ფირცხალაიშვილი, საუკეთესო ახალგაზრდა ექიმი დერმატოლოგ-ვენეროლოგი აღარაა. სტუდენტობისას ყველა ჯგუფელზე დედასავით ზრუნავდა. დღესასწაულების დროს განსაკუთრებული ზრუნვა ჩემს „სულელ“ შვილს, რომელიც ძმასავით უყვარდა, ჭირდებოდა (ვერ იტანდა სასმელს): “მაო, მეტი არ დალიო”, “მაოს ცივი საფენები შუბლზე”… ნინიკომ არაჩვეულებრივი ოჯახი შექმნა სიყვარულით სავსე. გამთენიას მშობიარობას გადაჰყვა; პატარა გოგონა დატოვა… მეორედ გახლეჩილი გულით ვუსამძიმრებ მის ოჯახს, მის ჯგუფელებს, რომლებმაც ჯერ გიორგის წასვლაც კი ვერ მოინელეს და ახლა ეს საშინელი უბედურება დაატყდათ თავს. ვუსამძიმრებ მის ოჯახს, ყველა მის ახლობელს და ვუსამძიმრებ საკუთარ თავს. ამ პოსტს მხოლოდ იმიტომ ვდებ ჩემო მეგობრებო, რომ ულამაზესი ნინიკოს ულამაზეს სულს ნათელი თქვენ უსურვოთ, ხოლო მის შვილს ყველაფერი საუკეთესო, სასახელო ქალბატონი გაზრდილიყოს!“ – წერს ნინო გელდიაშვილი.
