ზღაპრული ქორწილის შემდეგ კარლო პონტი და მარიამ შარმანაშვილი თაფლობის თვეს ჯერ პუერტო-რიკოში, ახლა კი კოსტა-რიკაზე ატარებენ. კადრებს მარიამი სოციალურ ქსელში ავრცელებს და ამბობს, რომ ამ ულამაზეს ადგილას ერთი კვირით დარჩება.
„ჩამოვედით კოსტა-რიკაზე, ჩვენი თაფლობის თვის მეორე კვირას აქ გავატარებთ… ულამაზესი ადგილია. უამრავი ირემი შემოგვხვდა გზაზე, მაგრამ მხოლოდ ამ სილამაზის დაფიქსირება მოვასწარი“, – წერს მარიამ შარმანაშვილი.
ცნობისთვის, ცნობილი იტალიელი დირიჟორი კარლო პონტი უმცროსი, რომელიც ლეგენდარული იტალიელი კინოვარსკვლავის სოფი ლორენის ვაჟი გახლავთ, ქართველ მარიამ შარმანაშვილზე დაქორწინდა.
მათ კავშირი ღვთის წინაშე გაამყარეს და ჯვარი 2025 წლის 26 ივლისს საქართველოში დაიწერეს. მანამდე კარლო პონტი სამთავროს დედათა მონასტერში მართლმადიდებლად მოინათლა და მას საეკლესიო სახელი გაბრიელი ეწოდა.
საქორწინო ცერემონია, რომელიც საქართველოში შედგა ქართული კულტურული ელემენტებით იყო გაფორმებული, რომელსაც უამრავი ცნობილი სტუმარი დაესწრო, მათ შორის იტალიიდან. აღსანიშნავია, რომ სიძე ქართულ ჩოხაში გამოეწყო.
