“ემპათია რომ არ გვაქვს ერს, კიდევ ერთხელ დავრწმუნდი. ქალური სოლიდარობა ხომ მითია საერთოდ! დარწმუნებული ვარ, რომ ეს სალომემაც კარგად იცის, უბრალოდ მსგავსი შეურაცხყოფისა და წნეხის ქვეშ აფექტურად დადო სტატუსი (რომელშიც სახელსა და გვარს არ წერს). მიუხედავად ამ ყველაფრის ცოდნისა, ასეთ დროს თანადგომის მოლოდინი გაქვს მაინც!
დიდი ხანია, ვიცნობ, თუმცა გადაჯაჭვული მეგობრები არასდროს ვყოფილვართ (გარემოება და გადაკვეთები არ დაემთხვა), მაგრამ აუცილებლად უნდა აღვნიშნო მის მიმართ სიყვარული. ვაფასებ ადამიანებს, რომლებსაც მეგობრობის ნიჭი აქვთ, გვერდში დგომა შეუძლიათ და თავისი ხალისიანი ხასიათით გაბედნიერებენ!
მიკვირს იმ ქალების, პოსტებად რომ აზიარებენ ფოტო/ვიდეო მასალას და საძაგლობებს რომ წერენ. განათლებაზე რომ საუბრობენ ისინი, ვისაც, დარწმუნებული ვარ, თავად ორი წიგნი არ აქვთ წაკითხული და არეული უღიმღამო და უინტელექტო ცხოვრების სტილის გამო მოწყენილები არიან! მოდი, რა, ყველამ ჩვენს ცხოვრებას მივხედოთ და თუ ძალიან გვინდა, რომ გამოვხატოთ ემოცია, ეს იყოს დადებითი, თანადგომის, გამხნევების, მშვიდობის მომტანი სიტყვები და არა ქაოსის, სიძულვილის და უსაქმურობისგან დაწერილი სტატუსები!” -წერს სოციალურ ქსელში დიზაინერი ეკა ბალანჩივაძე.
