ორი იტალიელი ლეგენდის სოფი ლორენისა და ალ ბანო კარიზს ემოციებით სავსე შეხვედრა სკანდალად იქცა. ლეგენდარული მსახიობის შვეიცარიულ სახლში გადაღებული ფოტოები მათი თანხმობის გარეშე გამოქვეყნდა, რამაც ვარსკვლავების რისხვა გამოიწვია.
მეგობრები ერთმანეთს სოფი ლორენის ჟენევის რეზიდენციაში შეხვდნენ, სადაც მსახიობი ორმოცდაათ წელზე მეტია ცხოვრობს. შეხვედრას შვეიცარიელი ავტომობილების კოლექციონერი დანიელ იზელიც ესწრებოდა, რომელიც ალ ბანოს ახლდა. ფოტოები, რომლებზეც 90 წლის ვარსკვლავი მაკიაჟის გარეშე და თავსაბურავით, არაფორმალურ გარემოშია, იზელიმ თავის Instagram-ის გვერდზე გამოაქვეყნა. კადრებს თან ახლდა ტექსტი, რომელიც”მუსიკისა და კინოს ლეგენდებს შორის ჯადოსნურ მომენტს” აღწერდა. ფოტოები სწრაფად მოიარა ინტენეტსივრცე.
“ინსტაგრამზე” გავრცელებული უწყინარი პოსტი, მალე სკანდალად იქცა. ალ ბანომ, რომელსაც მადრიდში სააგენტო ANSA დაუკავშირდა, თავისი რისხვა არ დამალა:
“მე არ ვამართლებ ამ ფოტოების გამოქვეყნებას და კატეგორიულად ვემიჯნები ჩემი მეგობრის საქციელს. ეს იყო ნამდვილი ღალატი, როგორც სოფიას, ისე ჩემ მიმართ. ფოტოები გამოსაქვეყნებლად არ გადაგვიღია, გადავიღეთ, როგორც პირადი მოგონება. მე და სოფია წლებია ახლო მეგობრები ვართ, წელიწადში ორ-სამჯერ ვხვდებით ერთმანეთს. არასდროს გადაგვიღია ფოტოები მათი გაზიარების მიზნით. თავს შეურაცხყოფილად ვგრძნობ”.
ფოტოებზე სოფი ლორენი თეთრ კარდიგანსა და შავ შარვალშია ასახული…
ფოტოების გამოქვეყნებამ არაერთგვაროვანი რეაქცია გამოიწვია. ერთი მხრივ, ფანებმა დააფასეს კადრების სპონტანურობა და ადამიანურობა, რომლებიც ვარსკვლავის უცნობ მხარეს აჩვენებდნენ. მეორე მხრივ, მათი კონფიდენციალურობის დარღვევას კრიტიკა მოჰყვა. ალ ბანოს პროტესტის შემდეგ, ფოტოები სწრაფად წაიშალა იზელის Instagram-ის პროფილიდან, სავარაუდოდ, სოფია ლორენის ოჯახის ზეწოლის შედეგად, რომელიც ყოველთვის გულმოდგინედ იცავდა მის პირად ცხოვრებას.
სოფი ლორენმა, რომელმაც გასულ სექტემბერში რომში დიდი ზეიმით აღნიშნა 90 წლის იუბილე, იტალიური კინოს მარადიულ ვარსკვლავად რჩება.
წყარო : Ambebi.ge
