მალე საქართველო ლეგენდარული იტალიელი მსახიობის, სოფი ლორენის ვაჟის, დირიჟორ კარლო პონტისა და მისი ქართველი რჩეულის, მარიამ შარმანაშვილის ქორწილი გაიმართება. მანამდე კი ნატახტარში უკვე შედგა წინასაქორწინო წვეულება, რომელსაც მარიამის უახლოესი მეგობრები ესწრებოდნენ. საქორწინო გეგმების შესახებ მარიამმა ambebi.ge-სთან ისაუბრა.
გთავაზობთ ამონარიდს ინტერვიუდან.
მარიამ შარმანაშვილი:
წინასაქორწინო წვეულება ნატახტარში, ტბებზე აღვნიშნე.
– ვიცით, რომ ქორწილი 26 ივლისს გაიმართება. მართალია, თუ არა გავრცელებული ინფორმაცია, რომ ქალბატონი სოფია ქორწილში ჩამოდის?
– არა, ეს ინფორმაცია სიმართლეს არ შეესაბამება, საქართველოში დაგეგმილ ქორწილს ქალბატონი სოფია არ დაესწრება.
– ჩვენი ინფორმაციით, ორი ქორწილი გექნებათ, ერთი საქართველოში, მეორე საზღვარგარეთ.
– დიახ, სწორად ბრძანეთ, მეორე ქორწილი სექტემბრისკენ იგეგმება ჟენევაში. იქ გვექნება ოფიციალური ხელმოწერის ცერემონია, სადაც მხოლოდ რამდენიმე ოჯახის წევრი და მეგობარი დაესწრება, მათ შორის ქალბატონი სოფიაც.
