მოდელი და ტელეწამყვანი, ნუკი კოშკელიშვილი, რამდენიმე წელია უკვე ამერიკაში მეუღლესთან და შვილთან ერთად ცხოვრობს. იგი სოციალურ ქსელებში პოპულარობას არ კარგავს და საზოგადოებას ხშირად ანებივრებს საკუთარი ფოტოებით. ნუკი, მიუხედავად იმისა, რომ ორ სხვადასხვა ქვეყანაში ცხოვრობს, ქართულ მეგაშოუებსა და პროექტებში მაინც აქტიურად მონაწილეობს. გარდა ამისა, ნუკის აქვს საკუთარი თავის მოვლისა და კოსმეტიკის ბრენდიც. ამჯერად ნუკიმ სოციალურ ქსელში სასიხარულო ინფორმაცია გაავრცელა, იგი ორსულადაა და მეორე შვილს ელოდება. როგორც იგი წერს, ამ ინფორმაციის გავრცელება მაქსიმალურად გაწელა, რადგან წინა ორსულობა მოეშალა.
„როგორც იცით წინა ორსულობა მოგვეშალა, ამიტომ ამჯერად ძალიან ვფრთხილობდით და მაქსიმალურად გავწელეთ ამის გამოაშკარავება. ყველას დიდი მადლობა კეთილი სურვილებისთვის და ამდენი სითბოსთვის, მაპატიეთ თუ ყველას სათითაოდ პასუხს ვერ გცემთ“, – წერს ნუკი კოშკელიშვილი.
