გონიოში ავტოსაგზაო შემთხვევის შედეგად სამი ახალგაზრდა დაიღუპა, ხოლო ორი დაშავდა. Ambebi.ge-ის ინფორმაციით, დაღუპულები 25-წლამდე ასაკის გოგონები მეგი ჯაიანი, ანა მახარაძე და სალომე გორგაძე არიან. ისინი სოფელ სამებიდან იყვნენ.
ადგილობრივების ინფორმაციით, ავტოსაგზაო შემთხვევისას ორი მსუბუქი ავტომობილი ერთმანეთს შეეჯახა, ხოლო ამის შემდეგ ერთ-ერთი მსუბუქი ავტომობილი სატვირთო ავტომობილს დაეჯახა.
„დიდი ტრაგედია დატრიალდა. სამი ულამაზესი გოგონა დავკარგეთ. ავტომობილით გაჩერებულ სატვირთოს შეეჯახნენ. სასწრაფოს ბრიგადას სამივე გოგონა დაღუპული დახვდა. მათთან ერთად ორი ბიჭი იყო, რომლებიც კლინიკაში არიან გადაყვანილი“, – ჰყვებიან თვითმხილველები.
შსს-ში აცხადებენ, რომ მომხდარზე გამოძიება 276-ე მუხლით დაიწყო.
წყარო : Fortuna.ge
