უკანასკნელ დროს 76 წლის ალა პუგაჩოვა იშვიათად ჩნდება სოციალურ ქსელებში. პრიმადონა ცხოვრობს კვიპროსზე, სადაც დროს შვილებთან და მეუღლესთან ატარებს. როგორც ცნობილია, ის თითქმის აღარ ჩნდება საჯარო ღონისძიებებზე, თუმცა რამდენიმე დღის წინ გამონაკლისი დაუშვა და საზოგადოებაში გამოჩნდა.
პუგაჩოვა ცნობილი რუსი მეწარმის, დარია იურევის სილამაზის სალონის გახსნას დაესწრო. ღონისძიებაზე ის რამდენიმე საერთო ფოტოზე მოხვდა, რაც მედიას და სოციალურ ქსელებს არ გამოჰპარვიათ.
ფოტოებზე პუგაჩოვა დახვეწილად გამოიყურება — აცვია თხელი, შიფონის სტილის პერანგი და ჯინსის ბრიჯები. ლეგენდარულ მომღერალს მაღლა აჭრილი ვარცხნილობა და მკვეთრი მაკიაჟი აქვს. საზოგადოების ყურადღება მისმა გარეგნობამ მიიქცია — ბევრმა აღნიშნა, რომ ის თავის ასაკს აშკარად არ შეეფერება. როგორც ხშირად საუბრობენ, პუგაჩოვას არაერთი პლასტიკური ოპერაცია აქვს ჩატარებული, თუმცა, როგორც სპეციალისტები ამბობენ, ეს პროცედურები თანმდევ შედეგებსაც ტოვებს.
პლასტიკური ქირურგი ჯენნეტ ალიევა განმარტავს, რომ პუგაჩოვას სახის კანის ზედმეტი დაჭიმულობის გამო ყურების მდებარეობაც შეიცვალა. მისი თქმით, სახის ქვედა მესამედზე ჩატარებული ჩაჭიმვა და კანის მოდუნების საწინააღმდეგო ზომა — პუგაჩოვას შემთხვევაშიც იყო გამოყენებული. ამ მეთოდით, ექიმების მიზანი იყო ასაკობრივი ცვლილებების კორექცია და სახის დაჭიმვის მიღწევა.
გარდა ამისა, ქირურგი აღნიშნავს, რომ პუგაჩოვას გარეგნობაში ჩანს პლატიზმოპლასტიკის შედეგები — ეს ოპერაცია ყელის კუნთების დაჭიმვას და ე.წ. ორმაგი ნიკაპის მოშორებას ემსახურება. ასევე ჩანს ფრონტოტემპორალური ლიფტინგის კვალი — პროცედურა, რომელიც შუბლისა და საფეთქლის ზონის დაჭიმვას გულისხმობს. როგორც წესი, ეს ჩარევები სახის გაახალგაზრდავებისთვის ტარდება, თუმცა ექიმი მკაცრად აღნიშნავს, რომ კანის გადაჭარბებულმა დაჭიმვამ შესაძლოა ბუნებრივობა დაარღვიოს და პირიქით, გარეგნობა გააუარესოს.
პუგაჩოვას შემთხვევაში კი, სპეციალისტის შეფასებით, ყველაფერი ზომიერად და სწორადაა გაკეთებული — მომღერალს მაინც შენარჩუნებული აქვს შარმი და მიმზიდველობა.
შეგახსენებთ, რომ ამჟამად ალა პუგაჩოვა რუსეთში არ ცხოვრობს. 2022 წელს მან მეუღლესთან, მაქსიმ გალკინთან და შვილებთან ერთად დატოვა ქვეყანა. თავდაპირველად ოჯახი ისრაელში გადავიდა, მოგვიანებით კი — კვიპროსზე. ამჟამად პუგაჩოვა პერიოდულად წერს ახალ სიმღერებს, თუმცა სცენაზე დაბრუნებას არ გეგმავს.
წყარო : Mshoblebi
