რამდენიმე თვის წინ ფოტოგრაფმა „დანტესმა“ კიდევ ერთი ქველმოქმედების ვიდეო გამოაქვეყნა, სადაც მოთხრობილი იყო ქუთაისელ მარიამზე, რომელსაც სახის ძვლების პრობლემა ჰქონდა. მოგვიანებით, კი გაირკვა, რომ თურქეთში მცხოვრები ექიმი მედეა იობაშვილი მარიამს დაეხმარებოდა შუამდგომლობაში, რომ თურქ პლასტიკურ ქირურგს მისთვის შეღავათიან ფასად სახის ოპერაცია ჩაეტარებინა.
ამ ამბების შემდეგ 16 წლის მარიამისთვის გაერთიანდა საზოგადოება, მათ შორის ცნობილი სახეებიც, მეზობლები და უცნობი ადამიანები, რომელთაც ოპერაციისთვის საჭირო თანხა შეაგროვეს. მარიამს 20 მარტს სტამბოლში 7 საათიანი ოპერაცია ჩაუტარდა. თურქეთში გახლავთ თავად დანტესიც, რომელიც ეტაპობრივად უზიარებდა საზოგადოებას ოპერაციის შესახებ ინფორმაციას.
ამჯერად იგი სოციალურ ქსელში ახალს ვიდეოს აქვეყნებს და მარიამის ჯანმრთელობის მდგომარეობაზე საუბრობს:
„ბევრი წერდა კომენტარებში მარიამს სახის ასიმეტრია აქვსო და რამე პრობლემა ხომ არ არისო.
არანაირი პრობლემა არ არის, ახლაც გადის ფიზიოთერაპიის კურსს, დღითი დღე უმჯობესდგება მარიამის მდგომარეობა. ოპერაციის შემდეგ ცალ მხარეს საერთოდ ვერ არხევდა, ახლა მოიმატა.
მარიამი არის კარგად და გადის ყოველდღიურ პროცედურებს“, – ამბობს დანტესი.
