ხვიჩა კვარაცხელიას “პარი სენ-ჟერმენმა” ჩემპიონთა ლიგის ნახევარფინალური ეტაპის პირველი მატჩი “არსენალთან” მოიგო.
შეხვედრის ერთადერთი გოლი უსმან დემბელემ კვარაცხელიას გადაცემის შემდეგ გაიტანა.
ხვიჩამ შეუცვლელად ითამაშა და როგორც შეტევაში, ასევე დაცვაში კარგი იყო.
სტატისტიკურმა გვერდმა Sofascore-მა კვარას თამაში 7.4 ქულით შეაფასა.
“პსჟ”-ს მწვრთნელს ლუის ენრიკეს კვარაცხელია განსაკუთრებულად მოსწონს და ბოლო მნიშვნელოვან მატჩებში შეუცვლელად ათამაშებს.
თითქმის ყველა შემტევი იცვლება ხვიჩას გარდა, ამის მიზეზი კი ქართველის მოედანზე ბოლომდე თავდადებაა.
როგორც ცნობილია, ენრიკეს ხვიჩას შემტევი უნარების გარდა, მისი დაცვითი უნარებიც აკვირვებს და მოსწონს ის ფაქტი, თუ როგორ ეხმარება დაცვას ყოველთვის კვარაცხელია.
როგორც ენრიკე ამბობს, ის გაკვირვებულია კვარაცხელიას დაცვითი თამაშით და იმ თავდადებით, რასაც გადაღლილი კვარა მატჩის ბოლო წუთებზე ავლენს.
