როლანდ ოქროპირიძის შვილი გიორგი, გადაცემა „პოსტ ალიონის“ სტუმარია, რომლის ეთერშიც მამასთან ურთიერთობის შესახებ საუბრობს და ბედნიერ მომენტებს იხსენებს.
„ყველაზე ბედნიერი იყო დღე, როდესაც მამას პირველად შევხვდი, მახსოვს ბებიამ ჩამომაცილა კიბეებზე. როდესაც დავინახე, გავექანე შორიდან და მთასავით კაცი ლამის წავაქციე ისე ჩავეხუტე. ის ჩემთვის ნამდვილად მისაბაძი ადამიანია. მასში ყველაზე მეტად გულწრფელობა და სიალალე მიყვარს. გულს ამოიღებს და დაგიდებს“, – ამბობს გიორგი.
როგორც როლანდი აღნიშნავს, გიორგი ზრდილობიანია და ეს ძალიან ახარებს.
მან ასეთი შვილის გაზრდისთვის დედამისს მადლობა გადაუხადა.
„დროს ვიხელთებ და ასეთი კარგი შვილის გაზრდისთვის დედამისს მადლობას გადავუხდი. ყველაზე მეტად ზრდილობიანი ადამიანი მიყვარს და მე მასში უწესობას ვერ ვხედავ. დანარჩენი მისი გადასაწყვეტია და მე მხოლოდ შემიძლია ვურჩიო“, – ამბობს როლანდ ოქროპირიძე.
მსახიობის მადლობას ეხმაურება, გიორგის დედა, მწერალი ეკატერინე ბაქრაძე.
„დამსახურებული მადლობა, დამსახურებულად მიღებულია“, – წერს ეკატერინე.
ვიდეო: როლიკო ოქროპირიძის ვაჟი, გიორგი მამასთან პირველ შეხვედრას იხსენებს: „ყველაზე ტკბილი მოგონება მახსოვს, პირველად რომ ვნახე… ვაკეში, ჭავჭავაძეზე შევხვდით ერთმანეთს. ბებიამ ჩამომაცილა ბინიდან… ყველაზე კარგად დასამახსოვრებელი მომენტი, გავექანე და მთასავით კაცი ლამის წავაქციე, ისე ჩავეხუტე…“
